Suv toshbaqasi

Suv toshbaqalari – akvarium va akvaterrarium sharoitida saqlash mumkin bo‘lgan umurtqali jonivorlar bo‘lib, asosan iliq iqlimli hududlarning daryo, ko‘l va botqoqliklarida yashaydi. Ular suvda yaxshi harakatlanadi, biroq vaqti-vaqti bilan quruqlikka chiqib, quyoshda isinishga muhtoj bo‘ladi. Shuning uchun akvariumda suv bilan birga quruk joy ham bo‘lishi kerak. Suv toshbaqalari o‘simliklar, baliq, hasharotlar va maxsus toshbaqa yemlari bilan oziqlanadi. Ular tinch va uzoq umr ko‘radigan jonivorlar bo‘lib, to‘g‘ri parvarish qilinganda yillar davomida sog‘lom holda yashashi mumkin.